Amadekarîya
Nivîskar: Menaf Osman
Silava Bajariyan(pirtûka Menaf Osman)
Ji pêşgotina pirtûka çîrokan “Silava Bajariyan” ya nivîskar Menaf Osman:
Piştî ‘ŞÎNOK’e, ev pirtûka çîrokan ya min a duduyan e. Ji hêla mijar û naveroke ve, çîrokên min ên vê carê jî berdewamiya ‘Şînok’ê tên hesibandin. Jixwe piraniya van çîrokan jî di heman demê de hatine nivîsandin. Ji hela ziman ve, ji hela sazkirin ê sazkariya wêjeyî ve kêmanî tê de hebin jî, min nexwest ku ez dest bidim wan, wan biguherînim. Ez tirsiyam ku ez zirarê bidim ruhê çîrokan.
Çîrok jî mina me xwedî ruh in. Veca min nexwest ku tekildarî hest û ruhê wê dema ku tê de hatine nivîsandin, bibim. Ez bawer dikim ku her nivîs, xwedî ruhekî taybet e. Her çi qas ku tevnsazî û plana avahiyeke ferazî ji xwe re esas digire jî, ji ber ku nivîskar bi xwe nikare xwe ji rastiya xwe ya civakî qut bike, her car û di hemû nivîsên xwe de bêhemdî xwe be jî, di riya hestên xwe ên wê kêlîkê de ruhê wê pevajoya ku tê de dijî, dide nivîsên xwe. Berhemên wêjeyî jî mîna mirovan e, kengî diwelidin, ruhê wê serdemê digirin.
https://wesanxaneyaazad.net/wp-content/uploads/2020/08/Menaf-Osman-Silava-Bajariyan.pdf
Nivîsén tékildar
